CITADINI MODELLO

De Alberto Venezianoecologico-piccolo

CITADINI MODELLO?
Mi e me moier semo citadini modello. Semo sempre stati alineadi ale publicità progreso e ai servisi giornalistici che i parla de comportamenti virtuosi, ansi, li anticipemo. Femo movimento e magnemo tanta verdura, de l’ort, par tegnerse in forma, cibi sani, gnente alcol, gnente fumo, gnente sballi chimici.

Gnente sprechi, riciclagio estremo dei rifiuti, vietato inquinare, controlo atento dei consumi energetici. Tanta bicicleta e na sola machina che usemo poco e quel poco, guidando secondo codice, quindi gnente multe. Quasi zero medicine, finchè la dura, zero sprechi anca qua. Gnente gioco d’azzardo, gnanca gratta e vinci, zero litigiosità, gnente avocati e gnente ricorso ala giustizia (qua si me vien da dir che pitost che la “giustisia” l’è meio la droga pesante).biciclo italiani-amano-bicicletta

Citadini modello? Ma gnanca par sogno! No ste far cusì! No ste scoltar le publicità e el giornalismo “progresso”! Se sto modo de far el se difondese par el stato el sarie el tracollo imediato, na Caporetto, un Armageddon!

L’è drio suceder l’è ani che sucede, in efeti, ma in dimension ridote, con na recesion costante ma soft. I italiani i sparagna co misura e bon senso ma se tuti i deventese improvisamente virtuosi? Sarie un disastro.

Sensa parlar de robe ovie, tipo gioco de azardo, fumo e alcolici, dove che el stato lucra da sempre, e se i se ridusesse sarie za un disastro sol quel, pensemo ala benzina. La mancata vendita de un litro de benzina la costituise la perdita de centesimi par el benzinaio ma de 1 euro abondante par el stato, provemo a imaginar tanta gente che va in bici e le machine che va pian, ralentando la velocità media del 20%, co na ridusion drastica dei consumi: entrate fiscali al disastro.

O sinò imaginemo che i italiani i se mete de colpo na man sua cosciensa e el spreco de roba da magnar, 30% se dis, el sparise de colpo: consumi alimentari meno 30%? Iva relativa meno 30%? Panico. Imaginemo tuti che deventa bravi e l’azeramento improviso dele multe, cosa sucedeo nei comuni? Default e pile de autovelox (e relativi vigili) da rottamar, sindaci al suicidio.

I esempi i è infiniti, qualsiasi comportamento semplicemente economico, eser virtuosi no l’è indispensabile, qualsiasi limitasion, anca minima, al consumismo demenziale, la sarie el falimento de qualsiasi stato sociale che, par costitusion, el fonda la so sopravivensa proprio sula tassasion del consumismo demenziale e del spreco.

Tuta sta storia no la à gnente a che far co l’economia de mercato, che la è la antitesi del sistema social-burocratico vigente. Sta situasion sempre sul filo del disastro la dipende dal fato che lo stato interventista, non esendo na organisasion “de mercato” dedita al lavoro e al scambio paritetico, la è asolutamente incapace de gestire qualsiasi roba. El stato el pol sol impor o subir o tute do le robe contemporaneamente, ma nel mercato globale cetto laqualunqueiper reativo l’è sol che na baraca patetica destinada al sfacelo.

Da qua nase la schizofrenia conclamata del politico. Ameso che nol sia un perfeto idiota, e ghe n’è anca quei, qualsiasi politico medio el conosce perfetamente ste semplici riflesion quindi, intant che el proclama la necesità de comportamenti virtuosi, incrozando i dei, el prega che i italiani non i devente mai virtuosi. Intant che ‘l parla serioso de “ludopatia da sconfiggere come male sociale” e magari el propone de tegner le machinete magna schei a 200 m. dale scuole, el governante el sa ben che, se sol ghe fose un ralentamento dela crescita dele entrate da gioco, tuta la so politica economica la sarie fottuta e cusì el prega che i continue a zogar e sta disdeta no la sucede mai.Cadillac-Eldorado-Convertible-Boss-Hogg-Custom-1976-05GH8561206398B

A sto punto son in crisi,cosa devo far par aiutar el governo?
Come minimo devo comprarme na Cadillac cabrio e andar al casinò co un sigaro in boca e na botiglia de rum in man? Provo a dirgheo a me moier ma no so …

Questa voce è stata pubblicata in Blog Pubblico. Contrassegna il permalink.

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...