Lo sterminio delle Partite IVA

El Zio no’l torna indrio

di Alberto Veneziano

zio

Me teefona un tosat, lo conoso da qualche ano, femo el steso lavoro lu da dipendente par na ditta mi da autonomo. No l’è pì dipendente però, le dite se restringe e le asa casa qualchedun.

“Zio”, el me ciama zio, “Mi vorie far come de ti, dime come che se fa par far la partita Iva, quanto che te domanda, quanto che te deve pagar de tasse …”

Un atimo de siensio, mi no me piase contar bae, de sicuro no ai zoveni… ma come fo a dirghe a un zovene che i à apena licensià, che ‘l vol “meterse par conto suo” e in te sta frase “meterse par conto suo” ghe n’è un mondo, come fo a dirghe che pitost che verzer na partita Iva l’è meio sparase su un pìe? Che alternativa ghe aso? La valigia e andare.

Le tasse? L’è trentasinquee ani che son “autonomo” ma no ò mai capìo quante che ghen pago. Ani fa me sentìo in colpa, “te si mona” me diseo, “te deve informarte te deve aprofondir, no l’è posibile che te sie costreto, in pì, a pagar un consulente”. Ades ho capìo che pitost che adentrarse nea perversion del sistema fiscale italian l’è meio andar a rumar nel bio-composter o nea biologica co le man nude, l’è pì salutare.

TARTASSATINo ghe n’è nesuna logica nel sistema fiscale italico, depredare, el pì posibile arraffare fin che ce n’è e tantar de stropar veci busi verzendoghene contemporaneamente de novi pì grossi.

El raporto co un stato fallimentare l’è vergognoso par tuti quei che lavora, ma par nialtri autonomi sensa corporazione, semplici “partita Iva”, el governo l’ un ocio de riguardo. El vol sterminarne, semplicemente. Un che se dichiara “autonomo” e nol paga le tasse atraverso el prelievo ignobile da sudditi del “sostituto d’imposta”, va messo a regime.

Oltre che perversi, nea so infinita idiozia i pensa che impedendo de viver ae partite Iva i costringe le ditte a asumer. Forse no i ne vol sterminati, a calcosa servimo, ma i ne vol ridotti alla semplice sopravvivenza.

Sopravvivere, parchè chi che gnanca nol sopravvive l’à un qualche diritto de difenderse, ma un che sopravvive senza bisogno de assistenza, cosa ghe manca? Che scuse aeo par recriminar se no l’apartien a qualche casta protetta? Lavora e tasi.

E nea logica dea sopravivensa che sta diventando imperativa, mi dovarie eser contento che i lo à licensià. El lavoro che ‘l fea lù, come costo fisso par na azienda, lo sto fazendo mi, una tantum. Dovarie tirar un sospiro de solievo, na fatura in pì visto che la pension la è un miraggio, e invese me vien sol che da bestemar, e onestamente, qualche boion lo tiro.

libertàCosa che ghe ò risposto? Quel che penso che sie la verità, no me piase contar bae. Ma ghe ò anca dita che el “zio” no l’è disposto a subir sensa far gnente, che na guerra sorda ma irremovibile la è dichiarada, no so che esiti che la avarà, dipende dal grado de responsabilità che resta in giro, da quanti che ghe n’è che se rende conto de come che semo ciapadi, ma el “zio” no torna indrio

Questa voce è stata pubblicata in Attualità, Blog Pubblico. Contrassegna il permalink.

Una risposta a Lo sterminio delle Partite IVA

  1. Vincenzo Testini ha detto:

    Ho letto con attenzione il tuo articolo, (scusa se non scrivo nella nostra lingua,ma non ne sono capace, al momento) e da ex autonomo, capisco bene di cosa parli. Ricordo bene, da giovane, che il lavoro autonomo era una bella opportunità…ma quando “i sinistri” (Craxi e compagni) hanno iniziato a governare, è iniziato, in modo veloce, il declino. Studi di settore, registratore di cassa, contabilità ordinaria, etc. bisogna assolutamente difendersi. Indipendenza!!! WSM

    Mi piace

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...