EL ŁUNARIO DE ŁA SERENISSIMA DEL 2016, UN CAŁENDARIO ..CHE ZE TANTO DE PI’

De Milo Boz e Giorgio Burin

WIN_20151027_135702A ne ze rivà in Redasion el całendario 2016 (che segue i altri tre presedenti, che ve consiłio de procurarve) che meritaria, secondo mi, de ver ła stesa difusion dei vołumi (par far un ezenpio) dedicà a ła storia de Venesia ałegà al Gazetin.

Ve spieghemo parché: nol ze mia soło che un całendarieto da picar sul muro. Par i so contenudi e el spesor dei contenudi stesi, el ghe someja più a un libro che parla, in maniera condensà, de ła Storia patria che a un całendario. Oltre tuto a ło fa co na veste grafega ełegante asà, e cuesto no guasta. 

Ła prima pagina ła se verze con un bel Łeon andante e na frase che el nostro Bepìn Segato el doparava vołantiera:

EL SEGRETO DE LA FELICITA’ XE LA LIBARTA’ E DE LA LIBARTA’ EL CORAJO.

E a fianco vien dełineà quel che dovaria esar el animo del bon veneto.  Al centro el Autor el parla del 25 April Festa de San Marco, de ła istitusion de la Region e del autogoverno del Popoło Veneto… e po’ te scominsi a sfojar le pagine dentro… e te descoverzi tante e tante robe interesanti… come el capitoło dedicà a la Guera de Cambrai con le so iłustrasion.

WIN_20151027_135716Po’ ndando vanti: te inpari ła storia (una de łe tante sconte dai ‘tałiani) de Cristiano Łobia, un veneto de Asiago onesto, che se zera iłuso de costruir un paese novo co ła unità de ła penisola e invese el se inacorze che el novo stato el ze nato ne ła corusion e tra łe manjarie. Tanto che el riscia la vita in te un atentado par aver denuncià el scandało del monopołio dei tabachi…e a ła fin el more, zovane, tra el cordojo de łe parsone oneste che apogiava łe so batałie.

No podeva mancar, parlando de ł’ano 2016, un capitoło sul Plebisito trufa del 1866 (150 ani de servitù e busie), e soło che par questo saria beło de vedare sto całendario picà in casa de onji Veneto. A ła fine, el Całendario-łunario el ze na sorpreza continua, pien de robe interesanti, cualche volta condensà in poche righe, altre svilupà in maniera più anpia.

Averlo in casa, soto el naso, iutarà anca i vostri tosatei a farse de łe domande (e magari a girarghełe ai so profesori de storia, a scoła !). Noialtri ve ło consiłiemo anca come picoło, ełegante regało soto łe Feste: da regałar ai amisi, magari anca ai dipendenti e ai clienti.

El preso de base, par andar al cuerto de łe spese (giusto par cueło) el ze de 5 eureti… se ghe ne ordinè de più ve metarè d’acordo co ALBANO TASSANI (albano.tassani@gmail.com).


dała Redasion de Vivere Veneto

A i ne scuzarà cuei che i ze abituà a łezarne in tałian. A domandemo scuza anca a cuei che, cuando che i scrive in Veneto, i scrive de forma difarente. Una “x” de più, un “th” de manco no połe esare, e de fato no ze, un ostacoło a capirse tra Veneti.

Cuesto artigoło el andava fato in Veneto par renderghe omajo proprio a Albano Tassani, coordinador de el progeto de el łunario, che el se rifiuta de rispondarne se ghe parlemo in tałian.

Se el Veneto rivarà a tornar independente prima de cuando che imaginemo, sarà de seguro par cualche gran leader carismatego che savarà raprezentar łe istanse del nostro Popoło nełe giuste forme e in te łe sedi aproprià. Ma sarà anca par tanta gente, che ła łavora par un ideałe, in siłensio, tuti i dì, senza domandar njente in canbio.

Grasie Albano par la to fede e el ezenpio de dedision ała causa, sensa ezibisionizmo, che te prateghi nte el to presiozo łavoro.

Questa voce è stata pubblicata in Blog Pubblico, Identità Veneta. Contrassegna il permalink.

Una risposta a EL ŁUNARIO DE ŁA SERENISSIMA DEL 2016, UN CAŁENDARIO ..CHE ZE TANTO DE PI’

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...